भारतीय चलनाखातीर रूपया चिन्ह
विंडोज पंगडान एक अपडेट उजवाडाक हाडल्या जी विंडोज विस्ता, विंडोज सर्वर 2008, विंडोज 7, विंडोज सर्वर 2008 आर2 हांचेखातीर नव्या रूपया चलन चिन्हाक आदार दिता. हो अपडेट वापरप्याक भारतीय चलन म्हणून रचणूक केल्ल्या डेटाक नवें चिन्ह हें डिफॉल्ट चिन्ह म्हणून पुरवपाक, पळोवपाक, छापपाक आनी वापरपाक दिता, जशें एक्सेस फिल्ड, एक्सेल सॅल, वा शेअर पॉयंट सूचीतलो चलन कॉलम.
चिन्हांचो दोन मार्गांनी समावेश करपाक जाता, म्हणजे खंयच्याय यमयस ऑफिस उत्पादनांनी इनसर्ट सिंबॉल कमांड दिवन वा ‘’विंडोज कॅरॅक्टर मॅप’’ युटीलीटी वापरून.
विंडोज अपडेट तीन सुवातींक स्पर्श करता, ज्यो अश्यो आसात
फंट फॅमिलींचो अपडेटः मायक्रोसॉफ्ट सॅन्स सेरीफ, टायम्स न्यू रोमन, एरीयल, सेगो, आनी ताहोमा. जेन्ना यमयस ऑफिसाच्या खंयच्याय एप्लीकेशनांत दस्तावेज तयार करतात तेन्ना हाचो उपेग करतात. जर तुमी असो फंट वापरतात जातूंन नव्या चिन्हाचो आसपाव ना जाल्यार त्या एका कुरूखातीर फंट बदलात.
Ctrl+Shift+4 वापरून रूपयाचो आसपाव करपाक 13 इंडीक थळाव्या कीबोर्डाचो अपडेट. नव्या इंग्लिश (भारतीय) कीबोर्डाचेर AltGr+4 बटनांचो मेळ नव्या चिन्हाचो आसपाव करतलो.
थळावी म्हायती अशे तरेन अपडेट करता जाकालागून चलन म्हणून रचणूक केल्ल्या जिनसांखातीर नव्या चिन्हाचो आपसूकच आसपाव जाता, जशें एक्सेस फिल्ड, एक्सेल सॅल, वा शेअर पॉयंट सूचीतलो चलन कॉलम.
पावर पॉयंट आनी इन्फोपाथ सारके मायक्रोसॉफ्ट ऑफिसाचे कांय कार्यक्रम युनीकोड कोड कुरूंमदी बदलूंक शकनात. जर तुमका युनीकोड कुरू जाय आनी जर तुमी असो कार्यक्रम वापरतात जो युनीकोड कुरूंक आदार दिवंक शकना, जाल्यार तुमकां जाय त्यो कुरू घालपाक कॅऱॅक्टर मॅपाचो उपेग करात.
जर तुमच्या प्रिंटराच्या खंयच्याच निवासी फंटांत रूपया चलनाचें चिन्ह ना जाल्यार प्रिंटराच्या सेट अप प्रॉपर्टीत प्रिंट फंट एज ग्राफिक्स पर्याय सोदात वा रूपया चलनाचें चिन्ह आशिल्ले अपडेटेड फंट मेळोवपाखातीर कितें करचें हाचेखातीर तुमच्या प्रिंटराच्या विक्रेत्याकडेन संपर्क करात.