1996 वर्सा युएसबी उपकरणांक दोन गती - 1.5 एमबीपीएस अशी कमी गती आनी 12 एमबीपीएस अशी पूराय गती दाखोवपी पयलो युएसबी स्पेसीफिकेशन उजवाडाक आयलें. 2000 वर्सा 1.5 एमबीपीएसाची चड गती आशिल्लो युएसबी 2.0 स्पेसीफिकेशन उजवाडाक आयलें. चड गतीची उपकरणां कसल्याय कंट्रोलरां वांगडा काम करताली, पूण कमी आनी पूराय गतीची उपकरणां युएसबी 2.0 कंट्रोलरां वांगडा काम करूंक शकनासली.

2008 वर्सा  युएसबी स्टॅन्डर्ड संघटनेन नवें युएसबी 3.0 स्पेसीफिकेशन उजवाडाक हाडलें जांतून नव्या येजमान कंट्रोलराचो आसपाव आशिल्लो आनी जें 5जीबीपीएस गती आशिल्लें नवें सुपर स्पीड युएसबी उपकरण स्पश्ट करतालें. कंट्रोलर आनी उपकरण दोनूय मेळून युएसबी 2.0 परस 10 पटीन चड तात्विक गतीन काम करता. ह्या नव्या दर्जाखातीर तुमी एक हाय डेफिनीशन सिनेमा एका युएसबी स्टोरेज ड्रायवातल्यान 80 सेकंदांत उतरोवंक शकतात,  जें करपाक युएसबी 2.0 वापरल्यार 15 मिनटां लागतली. स्पेसीफिकेशनान नवो स्थळांतर प्रकार / प्रवाह लेगीत सादर केलो जो स्टोरेज ड्रायवाक वाचपाची आनी बरोवपाची प्रक्रिया चड कार्यक्षमतायेन करपाक दिता.

नवे स्पेसीफिकेशनान युएसबी 2.0 परस 80 टक्के चड शक्त पुरयली. हाचो अर्थ चड गतीन चार्जींग आनी भायले डिवीडी ड्रायव आनी हेर चड शक्तीची उपकरणां वापरताले त्या वाय केबलांची गरज ना केली. पूण चार्जींग हो शक्तीचो (ऊर्जेचो) एकूच विचार न्हय. पूण मोबायल कॉम्प्युटींगाक लागून लोक बॅटरीचें जिवीत राखून दवरपी संगणक सोदतात. कमी शक्तीचेर चलपाची तांक, कामां चड बेगीन सोंपोवप आनी शक्य आसा तेन्ना शक्त वाडावपाची संद घेवप अश्या वैशिश्टयांक लागून युएसबी 3.0 शक्तीखातीर ताच्यापरस आदल्या खंयच्याय युएसबी परस चड कार्यक्षम आसा. हाचोच अर्थ, नोटबुकांखातीर बॅटरीचें चड जिवीत आनी डेस्कटॉपांखातीर शक्तीचो कमी वापर. म्हत्वाचें म्हळ्यार, स्पेसीफिकेशन पूराय, कमी आनी उच्च गतीच्या उपकरणांकडेन अनुरूपताय सांबाळतनाच युएसबीची नवी पिळगी घडोवन हाडपाची खात्री दिता. प्लग लेगीत अनुरूपतायेंत मागाशील्ले आसात.