भारतीय समुदायाखातीर ट्वीटर मायक्रोसॉफ्ट इंडिया
सीआरयम ऑनलायन हें एक अशें सॉफ्टवेअर जावन आसा जें मोठ्या आनी ल्हान आनी मध्यम आस्थापनांक (SMEs) तांचे गिरायक आनी गिरायकांची खरेदी वृत्ती हांचो माग काडपाक दिता. सेल्सफोर्स डॉट कॉम (Salesforce.com) आनी ओरॅकल (Oracle) सारक्यांनी सीआरयम बाजाराचेर शेक दवरला. डायनेमिक सीआरयमाक हेर बाजारांपरस वेगळें जर कितें दाखयता जाल्यार ती ताची उपेगताय. डायनॅमिक सीआरयमाची बांदावळ ही मायक्रोसॉफ्ट ऑफिस आवटलूकाचे भीतर जाता, जी एक खूब लोकप्रिय ईमेल माची जावन आसा. पयलीसूनच आवटलूक वापरपी गिरायकांक तांचे अशील, पायपलायन, संद आनी समान वातावरणातले फुडारी हांचेविशीं म्हायती मेळोवपाक सोपो मार्ग मेळटा. तांणी तांचे वळखीचो इंटरफेस सोडपाची गरज ना; ते आवटलूकाचेर कितेंय करूंक शकतात आनी हो एक म्हत्वाचो आनी अर्थपूर्ण फरक जावन आसा.
मार्केट विश्लेशकांच्या मताप्रमाण मायक्रोसॉफ्टाचें ऑन-प्रिमायसीस सीआरयम सोलूशन हें भारतीय बाजारपेठेंत ताची सुवात अदीक घटमूट करपाखातीर एक म्हत्वाचें पावल आसा. सद्या, ह्या मळार सेल्स फोर्स हो सगल्यांत मुखेल खेळपी जावन आसा आनी ताचे फाटल्यान ओरॅकलाचें सीबल सीआरयम ऑन डिमांड आसा. मायक्रोसॉफ्ट डायनॅमिक सीआरयमाक ऑनलायन सुरू करून सॉफ्टवेअरातल्या ह्या दिग्गजान ह्या दोनूय कंपन्यांमुखार एक मोठे आव्हान उभें केला. अभ्यास फुडें अशें सांगता की ऑन डिमांड सीआरयम भारतांत जम बसयता आनी आपणावपाच्या सुरवातीच्या पांवड्यार आशिल्ल्यान मायक्रोसॉफ्ट, सॅप (SAP) आनी ओरॅकलासयत ऑन डिमांड सीआरयम सोलूशन विकपी विक्रेत्यांक पयल्या चालीची अनुकुळटाय आसा.
http://twitter.com/#!/MicrosoftIndia
सीआरयम वापरप्यांच्या प्रमाणांत खुबूच वाड दिसून येवपाची आशिल्ल्यान सीआरयम खूब गतीन वाडपाची अपेक्षा आसा. भारतांत, आस्थापन उपकरणांतली सगल्यांत चड वाड ही सीआरयम सुवातेंत आसतली. मोठी आस्थापनां रावात आनी पळयात अशी भूमिका घेवन आसात.
मायक्रोसॉफ्टाची वर्सुकी तंत्रगिन्यान जात्रा टॅक.एड 2011 (Tech.Ed 2011) 25-03-2011क जाली जंय अनील कुंबळे मुखेल सोयरो जावन आशिल्लो. ताच्या उलोवपात तांणें सांगलें, ‘‘येस मेळोवपाखातीर वैयक्तीक हुशारी आनी कुशळटायेपरस चड कितेंतरी लागता. तशेंच प्रदर्शनांत सातत्यय जाय. जांणी सातत्यान बरें प्रदर्शन केलां आनी तंत्रगिन्यानातल्या नाविन्याच्यो शीमो वाडयत व्हेल्यात अश्या मायक्रोसॉफ्टाकडल्यान शिकपासारकें खूब आसा.’’