तंत्रीक प्रदर्शनातल्यान नवी ऑपरेटींग सिस्टम चलोवपी आदले विंगड विंगड नमुन्या वांगडाच  एक्स86 (x86) आनी एआरएम-आदारीत (ARM-based) वास्तुकला हांचेमदींय काम करपाची नवे ऑपरेटींग सिस्टमीची तांक हाचेंय दर्शन घडयलें. मायक्रोसॉफ्ट आनी सिलिकॉन चीप तयार करपी एएमडी, इंटेल कॉर्पोरेशन, एनवीआयडीआयए कॉर्पोरेशन, क्वॉलकॉम इंक. आनी टेक्सास इंस्ट्रूमेंट इंक. हांणी विन्डोचे नवे आवृत्तीचेर जानेवारीन एकठांय काम करपाची येवजण आदींच जाहीर केल्या.

वापरप्यान संगणक सुरू केल्यापसून ताका खबर आशिल्ल्या अवधानांकडेन तो कसो संवाद सादता हाचेमदीं वापरप्याक उपकरणाच्या नैसर्गिक विस्ताराचो अणभव दिवप ही विन्डोस 8.0 फाटली मायक्रोसॉफ्टाची मोख आसा. हें, विन्डोचे डिजायनांत मूलभूत बदलाचें प्रतिनिधित्व करता जो मायक्रोसॉफ्टान विन्डोस 95च्या दिसांपसून केन्नाच करूं ना आनी ताच्या हार्डवेअर भागेल्यांक संगणकाचे नवे नवे डिजायन तयार करपाक व्हड संदो दिता.

वापरप्याचो नवो अणभव इतल्यारूच थांबना, तर उपकरण अणभवाक नैसर्गिकपणान जुळपी नियंत्रणासकट नवे विन्डोस 8.0 चेर अवधानां कशी चलतलीं हाचेमेरेन विस्तारता. संगणकाखातीर नवी अवधानां तयार करतनां विकासकांक एचटीएमएल5 आनी जावास्क्रीप्ट सारकी सर्वसामान्य वेब तंत्रगिन्यान वापरप शक्य जातलें, जें फुडें एकत्रीभाव आनी आपणावणी सोंपी करतलें.